“Lutjet e Mëngjesit”, shans që Biden të bëjë thirrje për unitet
Presidenti amerikan Joe Biden pritet të adresohet në Lutjet e Mëngjesit, një aktivitet tradicional në Washington që u bën thirrje politikanëve të lënë mënjanë mosmarrëveshjet e tyre për një mëngjes.
Çdo president ka marrë pjesë në Lutjet e Mëngjesit që kur Dwight D. Eisenhower bëri paraqitjen e tij të parë në 1953.
Ngjarja po mbahet në mënyrë virtuale këtë vit për shkak të pandemisë së koronavirusit.
Ky aktivitet po vazhdon në një kohë kur kryeqyteti i kombit po përballet me një sërë krizash historike.
Biden po përpiqet të fitojë mbështetje të konsiderueshme nga Republikanët e Kongresit për një paketë si përgjigje ndaj koronavirusit, duke rritur gjasat që ai të mbështetet vetëm te Demokratët për të miratuar legjislacionin.
