Macron zotohet se nuk do të hezitojë të përdorë armë nëse është e nevojshme
Macron zotohet se nuk do të hezitojë të përdorë armë nëse është e nevojshme
Presidenti francez Emmanuel Macron ka urdhëruar një rritje të rezervave të kokave bërthamore të vendit dhe është zotuar të mos hezitojë t’i përdorë ato nëse kërcënohen interesat jetësore të Francës, raportoi Politico .
Franca ka rreth 290 koka bërthamore, sipas shifrave të fundit të publikuara nga Instituti Ndërkombëtar i Kërkimeve për Paqen në Stokholm. Zyrtarët francezë thanë se fjalimi ishte planifikuar paraprakisht dhe nuk lidhej me përshkallëzimin në Lindjen e Mesme. Macron tha se Franca mund të vendosë aftësi strategjike në lidhje me parandalimin bërthamor tek aleatët evropianë, duke filluar me ushtrime të përbashkëta.
“Tetë vende evropiane janë të interesuara në programin e avancuar të frenimit të Francës, i cili do të zbatohet me transparencë të plotë me Shtetet e Bashkuara”, tha Macron, duke shtuar se kjo përfshin Britaninë, Gjermaninë, Poloninë, Holandën, Belgjikën, Greqinë, Suedinë dhe Danimarkën.
“Besoj se mund të them se partnerët tanë janë gati”, theksoi Macron.
Në fakt, Macron sot theu dekada të tëra tabush bërthamore franceze – me premtime për të rritur numrin e kokave bërthamore dhe duke theksuar në mënyrë të qartë rolin e Francës në sigurinë evropiane.
