Makina del nga rruga në Lezhë, humb jetën 24-vjeçari
Një aksident fatal ka ndodhur në orët e para të mëngjesit të sotëm në Lezhë. Mësohet se në aksin rrugor Lezhë -Milot, në Ishull Lezhë, drejtuesi i mjetit tip “Benz”, shtetasi D.D.,24 vjeç ,banues në Lezhë ka humbur kontrollin e mjetit duke dalë nga rruga.
Si pasojë e përplasjes, i riu ka gjetur vdekjen. Ndërkohë ka marrë dëmtime pasagjeri N.P.,i cili është transportuar në spitalin e Traumës, Tiranë.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.