Reperi amerikan Sean Carter , i njohur si Jay-Z , dhe këngëtarja Beyonce Knowles janë një nga çiftet më të fuqishëm në industrinë e muzikës. Ata kanë më shumë se dy dekada bashkë dhe në vitin 2008 thanë “po-në” fatale. Mirëpo, së fundmi ka pasur spekulime se ata janë në prag të divorcit nga martesa.
Shumë u befasuan nga fakti që revista Forbes e renditi këngëtaren 43-vjeçare si Beyoncé Knowles në vend të Beyoncé Knowles-Carter në listën e saj të fundit të grave më të fuqishme të vitit .
Kjo erdhi menjëherë pasi bashkëshorti i saj, manjati 55-vjeçar i hip-hop-it, u akuzua se kishte sulmuar seksualisht një vajzë 13-vjeçare së bashku me Diddy në MTV Video Music Awards 2000. Të dy reperët i kanë mohuar me forcë pretendimet, me Jay-Z duke thënë se ai i mohon të gjitha akuzat.
Megjithatë, pas gjithë asaj që ka dalë në dritë rreth Diddy-t, me të cilin Jay-Z ka qenë miq të ngushtë prej vitesh, është pak më e vështirë të bindësh publikun se dikush që mbështeti veprimet e egra të Diddy-t është vetë i pafajshëm.
Forbes ende nuk ka bërë të ditur nëse ishte një gabim i thjeshtë nënshkrimi i këngëtares pa mbiemrin e bashkëshortit të saj apo nëse ekipi i saj u kishte thënë që të linin mbiemrin e tij.
Kujtojmë që Jay-Z dhe Beyoncé pohuan se ishin vetëm miq për një vit e gjysmë të lidhjes së tyre. Ata konfirmuan lidhjen e tyre në 2004 në MTV Awards në Miami. Tre vite më vonë, reperi i propozoi këngëtares dhe vitin e ardhshëm ata u martuan në Nju Jork. Ata patën vajzën e tyre të parë Blue Ivy në vitin 2012, dhe pesë vjet më vonë binjakët Rumi dhe Sira .
