Meta Platforms, ka lanësuar të premten shërbimin e saj të abonimit në Shtetet e Bashkuara të Amerikës
Meta Platforms, ka lanësuar të premten shërbimin e saj të abonimit në Shtetet e Bashkuara të Amerikës
Kompania teknologjike, Meta Platforms, ka lanësuar të premten shërbimin e saj të abonimit në Shtetet e Bashkuara të Amerikës, i cili do të lejojë përdoruesit e Facebookut dhe Instagramit të paguajnë për verifikimin në të njëjtën mënyrë si Twitteri, i cili është nën pronësi të Elon Muskut, raportoi të dielën Reuters.
Shërbimi Meta Verified do t’u japë përdoruesve një distinktiv blu pasi ata të verifikojnë llogaritë e tyre duke përdorur një ID dhe do të kushtojë 11,99 dollarë në muaj në ueb ose 14,99 dollarë në muaj në sistemin iOS të Apple dhe Android në pronësi të Googlet, ka njoftuar Meta nëpërmjet një deklarate.
Ky shërbim, të cilin Meta tha se po e testonte në shkurt, ndjek hapat e Snapchat-it në pronësi të Snap Inc si dhe aplikacionit të mesazheve Telegram dhe shënon përpjekjen më të fundit të një kompanie të mediave sociale për të diversifikuar të ardhurat e saj larg reklamave.
Pas një blerjeje prej 44 miliardë dollarësh nga Musku vitin e kaluar, Twitter ka lëshuar shërbimin e tij të abonimit Blu, i cili i lejon njerëzit të paguajnë për shenjën blu të kufizuar më parë në llogaritë e verifikuara të politikanëve, gazetarëve dhe figurave të tjera publike.
Nisja fillestare e Twitter Blue në nëntor kishte çuar në një rritje të përdoruesve që imitonin të famshëm dhe marka në platformë, gjë që e shtyu kompaninë të ndalonte shërbimin dhe ta rifuste atë me çeqe me ngjyra të ndryshme për individë, kompani dhe qeveri.
