Mira Murati nga OpenAI folëse në DOKU.TECH: “Ta Sjellim të Ardhmen më Afër, së Bashku”

Shefja e teknologjisë në Kompaninë OpenAi, që zhvilloi programin tashmë të popullarizuar ChatGP, Mira Murati, përmes një video-mesazhi ka ftuar të gjithë që të marrin pjesë në edicionin jubile të konferencës së teknologjisë, DOKU.TECH.

DOKU.TECH edicionin jubile e sjell në Pallatin e Rinisë në Prishtinë, me datat 27 dhe 28 Maj, nën temën “Ta Sjellim të Ardhmen më Afër, së Bashku”.

Gjatë konferencës, Mira Murati do ta adresojë fjalimin e saj online, në të cilin do të flas për misionin e OpenAi dhe planet e së ardhmes.

Ndërkohë që OpenAi do të përfaqësohet fizikisht në DOKU.TECH nga Pamela Mishkin, anëtare e Stafit Teknik në OpenAI, me fokus në aspektet e politikave të modelit të gjuhës LLM. Ajo është përfshirë në vlerësimin e ndikimeve socio-ekonomike të LLM-ve dhe planifikimin e vendosjes së modeleve multimodale.

T’ju përkujtojmë se gjatë nëntë edicioneve të kaluara, DOKU.TECH ka shënuar suksese të mëdha, duke sjellë në Kosovë disa prej emrave më të njohur botërisht në fushën e teknologjisë dhe inovacionit.