Mjekët rekomandojnë: Jo më shumë se 0,5 litra birrë në ditë

Sipas një analize të disa punimeve shkencore me fokus birrën, asnjë sasi alkooli, sado e vogël qoftë, nuk është krejtësisht e padëmshme, raportoi portali “Phoenix”.

Qendra Gjermane e Varësisë, duke rekomanduar kufizimin e marrjes ditore, thekson: Mos pini alkool të paktën dy ditë në javë. Më konkretisht, rekomandimi për gratë thotë: Jo më shumë se 12 gramë alkool në ditë ose rreth 60 gramë alkool në javë. Për meshkujt: Jo më shumë se 24 gram alkool në ditë ose rreth 120 gram alkool në javë – me dy ditë pa alkool. Kjo do të thotë, të mos pini më shumë se 500 mililitra birrë në ditë.

Pirja e birrës gjithashtu mund të ketë pasoja të mira shëndetësore. Përmbajtja e lartë e hopsit, për shembull, ndihmon në reduktimin e inflamacionit në sistemin nervor qendror, sipas një studimi të vitit 2019.

Ndër pasojat jo aq të dobishme, thuhet se birra ushtron presion mbi veshkat në disa mënyra. Kjo përfshin rrezikun e presionit të lartë të gjakut për shkak të konsumimit të rregullt të alkoolit dhe sipas Fondacionit Kombëtar të Veshkave të SHBA-së, ai mund të shkaktojë sëmundje të veshkave.

Për më tepër, pirja e birrës çdo ditë ju shëndosh. Një birrë e vogël (0,33 l) nënkupton një konsum mesatar prej rreth 150 kalori. Përveç kësaj, sipas shkencës, alkooli stimulon urinë dhe oreksin.

Sipas hulumtimeve të 15 qershorit 2022, birra, nga ana tjetër, ka një efekt të dobishëm në florën e zorrëve. Hulumtimi, i botuar në Journal of Agricultural and Food Chemistry, u krye për katër javë në 19 burra të shëndetshëm. Subjektet u ndanë në dy grupe dhe çdo ditë duhej të pinin një birrë (325 mililitra). Përfundimi: Pirja e moderuar e birrës mund të rrisë diversitetin e baktereve të zorrëve, që do të thotë zorrë më të shëndetshme.