Алијанса за Албанците: „Никој не одговара за 14-те граѓани кои изгореа во Тетово“

Четири месеци по трагедијата во Тетово, сè уште никој не одговара за 14-те граѓани кои изгореа живи, реагираа денеска од Алијанса за Албанците. Според партијата, актуелниот режим уште од првите денови по трагедијата почнал да ја крие вистината, трагите од злосторството и да ги исмева роднините на жртвите депонирајќи, а потоа отфрлајќи ги оставките. За иронијата да биде поголема, се наведува во реакцијата, министерот и заменик-министерот за здравство не беа разрешени кога живи изгореа 14 тетовци, туку кога требаше да се прават политички пазарења за да преживее режимот.