Апасиев: Законот за попис може да го одложи Собранието или Уставниот суд

Покрај Собранието пописот може да биде одложен и преку Уставниот суд, рече во одговор на новинарско прашање лидерот на партијата Левица, Димитар Апасиев. Како што кажа тој Уставниот суд би можел да донесе поништување на законот или негово укинување.

„Пописот е одложен само де-факто, де-јуре сѐ уште не е одложен. Има две варијанти или Собранието да го одложи, кадешто не би можело да има блокада бидејќи би одел со европско знаменце, или во случај да не може тоа да се постигне мислам дека ќе се оди преку Уставниот суд, односно поништување на законот или негово укинување со времена мерка – мораториум, ставање вон сила“, рече Апасиев.