Бектеши кажа како во ДУИ ќе се одлучува за евентуална промена на министрите

Одлуката за евентуална промена на владини министри од редовите на ДУИ ќе ја донесе претседателот на партијата и партиското раководство, вели министерот за економија, Крешник Бектеши, запрашан дали би можело да биде зафатен од најавената владина реконструкција.

„Во делот на ДУИ, ние го имаме кажано нашиот став дека нема потреба од измени на членовите на ДУИ во постоечката влада. Но, секако, согласно преговорите коишто веќе се одвиваат од страна на претседателот, на претседателството на ДУИ и со премиерот и претседател на СДСМ, но и со други политички партии, конечната одлука ќе ја донесат претседателот и претседателството на ДУИ“, рече Бектеши.