Постапувајќи по наредба на обвинител од Специјалното одделение за организиран криминал, економски криминал и корупција, полициски службеници на Државната агенција за истраги и заштита (СИПА), со асистенција на Министерството за внатрешни работи (МВП) на Босна и Херцеговина на ентитетот Република Српска, денеска спроведоа акција за лишување од слобода на Милош Лучиќ, актуелен министер за човекови права и бегалци во Советот на министри на Босна и Херцеговина.
Како што соопшти Обвинителството на БиХ, се претресуваат и деловни простории, местото на живеење на осомничениот, како и други објекти, заради пронаоѓање докази за сторени кривични дела, пренесува Анадолија.
Во спроведената истрага се собрани докази дека осомничениот сторил груби злоупотреби во делот на трошење средства наменети за репрезентацијата, незаконски сервисирал возила кај неовластени лица, сторил злоупотреби при вработување, како и низа други незаконски дејствија кои се опфатени со истрагата, посочува Обвинителството на Босна и Херцеговина.
Обвинителот и истражителот на Обвинителството на Босна и Херцеговина ги координираат активностите на полициските органи и ги утврдуваат понатамошните истражни активности што ќе бидат преземени.