Земјите-членки на ЕУ денеска треба да ја започнат дискусијата за новиот предлог на Европската комисија на странските граѓани целосно вакцинирани против ковид-19 и на оние кои доаѓаат од земји со добра епидемиолошка состојба да им биде дозволено да патуваат во Унијата без дополнителни ограничувања. ЕУ во моментов им овозможува на граѓаните на седум земји да доаѓаат на празници или од други несуштински причини, а предлогот на Европската комисија ќе го прошири тој список.
„Европската комисија предлага да се дозволи влез во ЕУ од несуштински причини не само за сите лица кои доаѓаат од земји со добра епидемиолошка состојба, туку и за сите луѓе кои ја примиле последната препорачана доза на вакцина одобрена од ЕУ“, се вели во соопштението на ЕК.
