Трите партии од коалицијата „Демократска Бугарија“ одлучија да не ја поддржат предложената влада од најголемата парламентарна партија во бугарскиот Парламент – „Има таков народ“ , соопшти копретседавачот на „Демократска Бугарија“, Христо Иванов, на брифинг во Националното собрание.
„Овој состав на Советот на министри (влада) е најслабиот што некогаш бил предложен во Бугарија“, категоричен е Иванов.
Според него, третиот мандат за формирање влада треба ќе биде кризен, што може да обезбеди можност Бугарија да има ограничено време до осум месеци. Таквата влада треба да спроведе судски реформи, да ја изнесе земјата од претстојниот четврти бран на ковид-19 и да гласа за буџетот за следната година, само откако ќе се одржат предвремени парламентарни избори во Бугарија.
Во оваа влада „Демократска Бугарија“ предлага да се поканат само успешни министри од привремената влада, која беше назначена од претседателот Румен Радев.
Според Иванов, доколку третиот мандат го добие БСП, тоа ќе значи осуда на пропаст и одење на нови избори и јасно треба да се каже дека ќе биде дадена на најмалата политичка сила во 46. Народно собрание „БГ! Доаѓаме”.
Иванов ги повика политичарите во Народното собрание „да не ги палат мостовите“ и да ги надминат тензиите за да постигнат договор за влада со ограничен мандат.
Утре, според најавите од претседателката на бугарското Собрание, Парламентот треба да гласа за предлог-владата на „Има таков народ“ на Слави Трифонов.
