Индија тестираше ракети кои можат да носат повеќе нуклеарни боеви глави

Индија денеска успешно тестираше нуклеарна ракета способна да носи повеќе боеви глави.

Премиерот Нарендра Моди им честиташе на научниците од индиската Организација за одбранбено истражување и развој (DRDO) за првиот тест лет на автохтоно развиената ракета Агни-В во земјата со помош на технологијата MIRV.

Технологијата MIRV гарантира дека една ракета може да испорача повеќе боеви глави на различни локации, објави новинскиот канал NDTV.

Само неколку земји, САД, Кина, Русија, Велика Британија и Франција имаат ракети MIRV.

Индија, најголемата демократија во светот, вели дека ракетната програма што ја развива повеќе од три децении е исклучиво за одбранбени цели. Агни (хиндиски збор за оган) е еден од најсофистицираните ракетни системи во Индија.

Ракетите Агни со среден до долг дострел се клучен дел од индиската копнена програма, чија цел е главно да ги одврати регионалните ривали Пакистан и Кина.