Фудбалската репрезентација на Северна Македонија го зашемети домаќинот Германија со 2-1 во квалификациите за Светското првенство. До ова дојде, како што пишува новинската агенција Ројтерс, и покрај тоа што светскиот шампион ја контролираше играта, но не ги искористи шансите против дисциплинираните македонци, рангирани на 65. место во светот. Тоа беше прв пораз на Германија во квалификациите за Светското првенство во изминативе 20 години и во последниот квалификациски натпревар на тренерот Јоаким Лев пред неговото заминување по Европското првенство ова лето.
