Новинарот на Алсат, Аднан Ќаили, добитник на наградата за најдобра сторија

Здружението на новинарите на Македонија ги додели годишните награди за новинарство. Наградата за истражувачко новинарство „Јашар Еребара“, ја доби истражувачката мрежа ИРЛ, за документарниот филм „Нечиста крв“. Новинарот на Алсат Аднан Ќаили, ја доби наградата за најдобра регионална и локална сторија за „Дивата рафинерија“, во кумановското село Коштерник. Комисијата ја додели оваа награда за еднонеделно известување на новинарот Ќаили, чија приказна спречи еколошка катастрофа во земјата пред една година. Во меѓувреме, наградата за животно дело „Крсте Петков Мисирков“ му беше доделена на пензионираниот новинар Драган Ѓорѓовски.

„Оваа репортажа ја правевме 5 дена, а се случуваше на местото каде што живеам јас и други 200 жители кои беа загрозени од оваа еколошка катастрофа. Успеавме да ја затвориме, заблагодарувајќи и се на целата екипа на ТВ Алсат како монтажери, оператори и сниматели, и моите колеги кои ме поддржаа. Успеавме да го направиме тоа! Првично ни понудија да не замолчат преку подароци, но ние одбивме. Потоа почнаа заканите, повторно беа неприфатливи и кога ги поминавме овие фази добивме вечна благодарност не само од жителите туку и од целиот регион на Куманово, кои сега дишат слободно!“, рече
Аднан Ќаили, новинар.