Обвинителите денес избираат нов шеф на Обвинителството за организиран криминал и корупција

Денеска македонските обвинители со гласање ќе изберат шеф на Обвинителството за гонење на организиран криминал и корупција. Ова гласање ќе се спроведе според Законот за јавното обвинителство, а право на глас имаат сите јавни обвинители во Македонија.

Кандидати за шеф на ОЈО ГОКК се досегашната шефица Вилма Русковска (која е суспендирана), Ислам Абази, Едмонд Незири и Деса Пауновска. Мандатот на Рускоска трае до 14 ноември, а обвинителот Трајче Пеливанов е назначен за привремен шеф од 29 август.