Обвинителството не дава детали за пријавите на ВМРО за случајот ТЕЦ Битола и Вице Заев

Обвинителството за организиран криминал и корупција не дава детали за пријавите на ВМРО-ДПМНЕ за ТЕЦ Битола. Македонската опозиција тврди дека братот на премиерот Зоран Заев, Вице Заев побарал мито од 250 илјади евра од компанијата „Рубитон“ која вршела ископ. Од Обвинителството на Вилма Русковска за АЛСАТ велат дека работат на случајот, но не можат да дадат информации.

„Случајот е во предистражна постапка и по него постапува јавен обвинител од Основното јавно обвинителство за гонење на криминал и корупција. Со оглед на тајноста на предистражната постапка, во моментов Обвинителството не може да даде повеќе детали“, велат од ОЈО за гонење на организиран криминал и корупција.

Лидерот на ВМРО-ДПМНЕ, Христијан Мицкоски, во емисијата 360 степени демантите на ТЕЦ Битола, СДСМ и Вице Заев, ги опиша како остри.

Пред неколку дена, ВМРО-ДПМНЕ на брифинг со новинари го откри случајот обвинувајќи го братот на премиерот Зоран Заев. Случајот се однесува на тендер во ТЕЦ Битола кој во 2018 година го добила компанијата „Рубитон“. Оштетените го пријавиле случајот во МВР, но според ВМРО, името на Вице Заев исчезнало од извештајот. ТЕЦ Битола, СДСМ и Вице Заев го обвинија Мицкоски за лажење и ги негираа неговите тврдења.

Мефаил Исмаили