Мерки на претпазливост денеска побара Основното јавно обвинителство за екс медицинскиот директор на клиниката за онкологија, Нино Васев и поранешниот организациски директор.
„Мерките опфаќаат забрана за напуштање живеалиште и престојувалиште, одземање на патна исправа и забрана за нејзино издавање, а за тогашниот медицински директор дополнително е побарано и мерка за отстранување од работнотно место“, рече надлежниот јавен обвинител, Ана Гоговска Јакимовска.
Васев се сомничи за повеќе кривични дела, злоупотреба на службена положба и овластување и за измама во службата.
Во случајот за злоупотреби на клиниката за онкологија осомничени се вкупно пет лица.