Од денеска трета доза на вакцина ќе може да примат сите граѓани на возраст над 60 години, и сите здравствени работници и пациенти кои имаат влошена имунолошка состојба, без оглед на возраста. Се најавува и скрининг на генералната здравствена состојба на населението, како и брзи антигенски тестови за учениците во основните и средните училишта во државата. Согласно сознанијата кои во минатата недела ги посочи министерот за здравство Венко Филипче третата доза вакцина треба да биде од производителот „Фајзер“, а дополнително ќе следат препораки за вакцини од други производители.
