Оливер Спасовски со коментар за тензиите Москва – Киев

По последните случувања на релација Москва-Киев министерот за внатрешни работи Оливер Спасовски оцени дека безбедносната состојба во државата е стабилна и мирна. Тој вели дека сепак она што се случува во Украина треба да ги држи будни безбедносните служби.

„Ние немаме сега во моментот индикации за нарушување на безбедноста. Генерално, сериозен предизвик претставува безбедноста заради случувањата коишто се од инвазијата на Русија врз Украина. Нашите безбедносни служби работат во полн капацитет во однос на заштитата територијалниот интегритет на Република Северна Македонија. Членството во НАТО практично ни гарантира безбедност“, рече Спасовски.