Османи: Подготвени сме за промени во Мешовитата историска комисија

Министерот за надворешни работи Бујар Османи во денешното интервју рече дека е подготвен да предложи разговор за евентуална промена на начинот на работа, пишува Алсат.

“Подготвен сум да предложам да започнеме разговор за евентуална промена во начинот на работа, а зошто не и во структурата на составот на Мешовитата историска комисија. Односите меѓу Бугарија и Република Северна Македонија не треба да влезат во состојба на замрзнат конфликт. Не беше толку јасно објаснето на граѓаните во Република Северна Македонија дека не преговараме за идентитетот и јазикот, додаде Османи.