Починатите од ковид кои биле вакцинирани имале хронични болести

Министерството за здравство започнува со објава на нова статистика за починати од ковид кои биле целосно вакцинирани. Статистиката ќе се објавува на неделно ниво и ќе содржи информации за тоа какви хронични заболувања имале починатите и колку од починатите со каков тип вакцина биле вакцинирани.

За комплетно вакцинирани се сметаат лицата кои примиле две дози вакцина, а од ревакцинацијата поминале повеќе од 14 дена.

Во период од 08 до 14 октомври починале 105 пациенти со ковид -19, од нив над 75 отсто биле невакцинирани. Од вкупно починатите пациенти во посочениот период, 26 биле вакцинирани. Само еден од починатите пациенти немал хронично заболување и имал 80 години.