ВЕСТИМАКЕДОНИЈА

Полицаец убиен во Велес, ОЈО го истражува случајот

Рано изутринава, околу 02:30 часот по полноќ, Брзата помош добила повици за интервенција на улицата „Максим Горки“ во Велес, дознава Алсат. Медицинските тимови констатирале смрт на 40-годишен маж, кој имал прободна рана во градите.

Одделот за внатрешни работи во Велсес потврди дека се работи за полицаец, додавајќи дека истрагата за настанот е во тек. Неофицијално, се работи за љубомора, а засега во врска со овој случај е уапсена една жена.

Случајот го истражува и Обвинителството. Од таму денеска соопштија:

Основното јавно обвинителство во Велес по добиени информации во текот на ноќта,  изврши увид во куќа во Велес каде е извршено кривично дело Убиство. Првичните сознанија на обвинителството упатуваат на констатација дека смртта кај пронајденото починато лице, велешанец на возраст од 40 години, настапила по убод со нож во пределот на срцето.

По наредба на јавен обвинител, подигнати се траги и предмети од самото место на настанот кои ќе бидат доставени на вештачење, а телото на починатото лице – вработен во СВР Велес, предадено е на Институтот за судска медицина, криминалистика и медицинска деонтологија заради вршење на обдукција. Во текот на денот ќе се изврши испитување на лицето за кое постои сомневање дека е сторител на кривичното дело.​

Прикажи повеќе

Related Articles

Back to top button