Попис – „Го имаме само Скопје и македонската пустина“, вели социологот Ацевски

Социологот Илија Ацевски, во своето вечерашно гостување во емисијата Економски Магазин на Алсат, коментирајќи ги резултатите од пописот се осврна и на внатрешната миграција, која, како што рече, одела во неколку бранови со кои голем дел од внатрешноста на државата се преселила во Скопје.

„Главното тежиште, барем на тој прв бран на миграција, после ’70-ттите години, е што многумина дојдоа во Скопје. Внатрешна миграција. Тогаш започна тоа празнење на регионите во Македонија. Зошто ситуацијата денеска е ваква има длабоки корени, од пред 45-50 години. 90-ттите години, со пропаста на социјализмот, потоа 2000-ттата, кога се исцрпеа сите можности кои го водат секој млад човек кон неговата иднина и се случи тоа што се случи. Сега го добиваме Скопје и македонската пустина“, вели Ацевски.