Поради скапотијата на пазарите, граѓаните само гледаат

Ги купуваат само неопходните работи, додека дел од производите кои важеа за основни, граѓаните сега ги сметаат за луксуз. Купувачите кои ги сретнавме на Бит Пазар велат дека ова е најголемата криза со која се соочиле и едвај можат да си ги покријат месечните трошоци.

„Никогаш не сме биле во ваква криза“, рече еден граѓанин.

„Кај сите влијае. Сега купуваме помалку“, дода друг граѓанин.

Трговците пак, велат дека граѓаните најчесто само поминуваат и ретко застануваат на тезгите. Секојдневното намалување на прометот им го отежнува работењето.

„Каде имаат пари да дојдат да купат? Народот е оставен на улица, нема пари, се вртат наоколу, ќе си ги вкрстат рацете, нема пари, од каде да земат. Колку и да ни фали, продаваме, 5 денари за килограм, нема повеќе, кризата е многу лоша“, рече еден продавач.

„Граѓаните доаѓаат, но откупот е многу слаб, многу влијае. Сега оваа криза значи дека процентот е изгубен, профитот е изгубен, ако порано беше 10 проценти, сега е 5 проценти добивка. Дури и продажбата е намалена, а кризата е голема“, нагласи друг продавач.

Според последните податоци на Заводот за статистика, потрошувачката кошничка за четиричлено семејство достигна 48 илјади денари./Alsat.mk