Правда не прифаќа договор со осудените за „Сопот“

Министерството за правда не прифаќа договори со поранешни бегалци во случајот „Сопот“. Извори на Алсат велат дека на 7 и 9 април, претставници на Министерството за правда се појавиле пред Државниот правобранител, претставник на случајот во Граѓанскиот суд дека нема интерес за договор, и дека Државниот правобранител заедно со нивната странка може да ја продолжат судската постапка.

Од Министерството за правда, немаа коментар за оваа информација, но кратко велат дека постапката е во тек. Доколку е точен одговорот на Министерството за правда, како што тврдат извори од институцијата Државен правобранител, во оваа фаза се гаси надежта на граѓаните од Сопот, осудени во бегство, да добијат надомест, бидејќи Владата претходно изјави дека не прифаќа договор и бараат постапката да се води на суд.

Во втората група на лицата од Сопот се вклучени поранешни осуденици во отсуство: Селман Јахији, Башким Укшини, Африм Укшини и Муса Клаиќи кои како надомест на штета на личниот и семејниот интегритет бараат отштета од 48 милиони денари. Нивното барање за директен договор со министерот за правда, Бојан Маричиќ, дојде откако Владата го одби барањето за договор. Истото беше доставено на адресата на ова министерство на 15 март.

Доколку странките одлучат постапката да продолжи на суд, тоа може да се одолговлекува со години и повлекува големи материјални трошоци.

Адријан Керими