Се зголемуваат платите на судиите

Се зголемуваат платите на судиите. Растот за годинава е 10 проценти, додека догодина предвидено е судските плати да се зголемат за 15 проценти. Министерството за правда и Здржението на судии денеска информираа дека постигнале договор. Дополнително министерот за правда посочи дека ќе направат напори, покачувањето да ги опфати и судските службеници.

„Се разбира дека разговорите не се лесни, бидејќи оваа мерка ќе се рефлектира и во другите области. Така да сметаме дека нашето барање од 20 проценти, во овој момент има разбирање за 15 проценти и сметам дека претставува напредок“, изјави Џемаили Саити, Претседател на здружение на судии.