Сидни Меклафлин со нов светски рекорд на 400 метри со пречки

Сидни Меклафлин постави нов светски рекорд на 400 метри со пречки. Американската атлетичарка, на квалификациите за Олимписките игри во САД, ја мина дистанцата од 400 метри за 51,90 секунди, со што стана првата спортистка во историјата на атлетиката која поминала 400 метри за помалку од 52 секунди.

Меклафлин беше побрза во квалификациите од олимписката и светска шампионка Далила Мохамед, која заврши на второто место со време 52,42 секунди. На третото место се најде Ана Кокрел, со време 53,70 секунди.