Стојановски: Заев се плаши од низок рејтинг не знае како да се однесува

Интервјуто на премиерот Зоран Заев за БГНЕС предизвика остри реакции во јавноста. Пратеникот на ВМРО-ДПМНЕ, Бојан Стојаноски во емисијата „Патот кон…“, рече дека ова што сега се случува е алармирано навреме од неговата партија. Стојановски додава дека ова вето не е вето само за дел од граѓаните на Република Македонија, туку е вето за сите граѓани во оваа земја. Бидејќи во изминатите 30 години сите граѓани, без оглед на етничката припадност, инвестирале, придонесувале оваа земја да се интегрира во Европската унија и НАТО.

„Дури и тогаш, кога беше потпишан договорот, рековме да внимаваме какви обврски презема државата. И во случај да преземеме каква било обврска, тоа треба да биде реципрочно и да не се впуштаме во авантура и да им нудиме инструменти на одредени структури кои соработуваат националистички со нашите соседи и нè блокираат на патот кон Европската унија. Еве сега гледаме дека ова е реалност, дека тоа се случува. Македонија, која некогаш беше блокирана од Грција, сега е блокирана од Република Бугарија. Тука мора да нагласам дека целото вакво однесување на Зоран Заев, во вчерашното интервју на БГНЕС е само став на уплашен човек кој се соочува со низок рејтинг во јавноста, и се соочува со одговорноста што мора да ја сноси за овие политики се и за раководството на владата во изминатиот период “, рече Бојан Стојановски, пратеник на ВМРО-ДПМНЕ.

Во меѓувреме, Крешник Бектеши од ДУИ истакна дека неговата партија е посветена на враќање на довербата меѓу двете земји, Република Северна Македонија и Република Бугарија и изнаоѓање на заедничко решение што ќе ги деблокира процесите на интеграција на земјата.

„Ние сме директно вклучени како ДУИ преку министерот за надворешни работи, кој професионално ги исполнува своите обврски, секако дека има интензивна комуникација со Република Бугарија, тука многу помагаат и нашите меѓународни партнери, особено под претседателство на Германија. Се надеваме и ги охрабруваме и премиерот и опозицијата заеднички да изнајдат решение што е прифатливо за обете страни, со единствена цел да ја интегрираме нашата земја и да започнеме преговори за членство во Европската унија“, рече Бектеши.

Елми Азири од Алијансата за Албанците нагласува дека мора да бидеме свесни и да преземеме одговорност за евентуалниот геостратешки јаз што може да се создаде во овој регион, доколку на крајот не успее почетокот на преговорите за членство во Европската унија.

„Оценувам дека третманот на оваа тема со категории на дневна политика не помага во решавањето на прашањето, туку напротив го продлабочува уште повеќе. Мислам дека процесот на членство на земјата во ЕУ е приоритет со кој ќе треба да се справат политичарите. Верувам дека историските прашања, идентитетските прашања, се прашања што историчарите треба да ги решат врз основа на научни аргументи. Мене лично ме спречува ветото на Бугарија на почетокот на разговорите затоа што ние историски, географски и ментално припаѓаме на Европската заедница. Мислам дека ќе мора да започнеме разговори и тогаш научниците и историчарите ќе се занимаваат со прашањата што се контроверзни“, рече Азири.