На странските туристи кои не се вакцинирани против ковид-19 нема да им биде дозволено да влезат во Канада некое време, бидејќи владата не сака да го загрози напредокот постигнат во борбата против вирусот корона, изјави канадскиот премиер Џастин Трудо.
„Веднаш можам да ви кажам дека тоа нема да се случи уште некое време“, рече Трудо на новинарско прашање – кога Канада ќе дозволи влез на невакцинирани туристи во земјата, објави Ројтерс.
Владите во Канада и Соединетите држави се соочија со притисок да ја отворат најголемата копнена граница на светот, која е затворена за несуштинско патување од март 2020 година. Тековните ограничувања се во сила најмалку до 21 јули.
