(ВИДЕО) Во САД беснеат пожари; најкритично во Орегон, наредена евакуација!
Пожарникарите денес се обидуваат да го контролираат пожарот во југоисточниот дел на Орегон, кој се шири со милји во ветровити услови.
Тоa е еден од бројните пожари што горат во западниот дел на САД, објави АП.
Властите наредија нова рунда евакуации во четвртокот поради загриженоста дека пожарот, кој веќе уништи 21 дом, може да се спои со друг пожар поради екстремно суво време.
Најголемиот пожар што моментално гори во САД изгоре повеќе од 976 квадратни километри шума и вегетација до петокот наутро, а само седум проценти од него е под контрола.
Largest fire in nation: Oregon’s Bootleg Fire has doubled in size every day in drought conditions. Ground itself not holding moisture the way it once did, because of global warming and recent unprecedented heat.#BootlegFire #wildfires #Klamath #KlamathTribes #oregonwildfire pic.twitter.com/WmKwcnYtH9
— Lynn Schore (@LynnSchore) July 16, 2021
Пожарот има потенцијал да се помести шест или повеќе километри попладне и постои загриженост дека може да се спои со помал, експлозивен пожар, изјавил Роб Ален, командант на противпожарната бригада.
Другите држави во САД кои се најпогодени од пожарите се Калифорнија, Вашингтон, Ајдахо, Монтана и Алјаска.
