Владата со нов рок за вакцините против корона вирусот

Над 21.000 вакцини Фајзер се очекува да пристигнат во Македонија до крајот на месецов. До крајот на годинава пак, од оваа компанија се очекуваат над 800 илјади дози. Министерството за здравство соопшти дека ова е предвидено со договорот испратен денеска од компанијата Фајзер. Премиерот Заев повторно одложувањата ги оправда со недостигот на капацитет за производство на вакцините.

Во меѓувреме, вакцинацијата на медицинскиот персонал продолжува. Вакцинирани се вкупно 3.028 лекари, а интересот на граѓаните за вакцинирање се зголемува од ден на ден.

„Вкупниот број на граѓани заинтересирани за примање на вакцината против Ковид до денес е над 120 илјади. Преку веб-страницата ‘вакцинација.мк’ се пријавија 72.800 граѓани, додека преку матичните лекари 47.569. Од вкупно 120 илјади заинтересирани, 57.907 се граѓани над 70 години.“

Земјава досега доби само околу 8.000 вакцини Фајзер и тоа донирани од Србија. Наменети се за имунизација на медицинскиот персонал што работи во центрите за Ковид.

Vjollca Aliti