Лидерот на италијанската Лига, Матео Салвини најави дека денеска во Будимпешта ќе се состане со лидерите на Унгарија и Полска за да се обиде да ги зајакне врските меѓу екстремно десните партии во Европа. Кабинетот на Салвини прецизира дека лидерот на Лигата ќе се состане со премиерите на Унгарија и Полска, Виктор Орбан и Матеуш Моравиецки, за да создаде „заедничка повелба за вредностите, слободата, правата, принципите и идните цели“.
Тие се очекува да потпишат заедничка декларација и исто така да разговараат за соработката во областите на миграцијата, здравството, образованието, надворешната политика и семејните вредности. Досега пропаднаа претходните обиди за зајакнување на врските меѓу екстремно десничарските, евроскептичните и националистичките партии од земјите на Европската унија.
