Времето денеска облачно со јужен ветер

Времето денеска ќе биде променливо облачно со сончеви периоди, а попладне ќе има повремени врнежи од дожд. Ќе дува умерен ветер од јужен правец, кој на места долж Повардарието и во југозападните делови ќе се засилува, прогнозираат од УХМР. Во претпладневните часови пак по одделни котлини ќе има услови за појава на слаба магла.

Во Скопје е најавено променливо облачно време, а попладне и кон крајот денот со повремен дожд и со слаб до умерен јужен ветер. Температурата ќе се движи од 8 до 16 степени.