За влез во кафулиња, ресторани и трговски центри, од денеска ќе се бара доказ за две примени дози
Граѓаните кои сакаат да влезат во затворени објекти, ресторани или трговски центри од денеска треба да поседуваат потврда како доказ за две примени дози вакцина, или доказ дека пред 45 дена го поминале коронавирусот. Министерството за здравство очекува со оваа мерка да се зголеми процентот на вакцинирани граѓани.
Министерство за здравство
„Министерството за здравство апелира до граѓаните да ги почитуваат мерките и да бидат одговорни. Ги повикуваме граѓаните кои се уште не се вакцинирани да го завршат овој процес што поскоро. Само со колективен имунитет ќе го победиме вирусот “.
При посетата на некои ресторани и кафулиња од страна на нашата екипа, повеќето сопственици рекоа дека не се информирани за новата мерка. Граѓаните, пак, тврдеа дека во ниту едно кафуле не им било побарано потврда за вакцинација, ниту пак за првата доза.
„Никој не ми побара никаков документ. Бев, влегов во кафеани, никој ништо не ме праша.
Дали сте биле во кафеана денес?
Денеска влегов во 3 места, никој ништо не ме праша, оваа мерка мислам дека е џабе “.
„Во колку места сте биле денес и дали ви побарале сертификати?
Двапати, во кафулиња и продавници, но не, не ми побараа потврда “.
„Информирана сум и вакцинирана, не ги слушам толку новите информации откако ги примив двете вакцини“.
„Овде во Скопје е послободно, може да влезеш и без вакцина понекогаш. Зависи од градот. Во Прилеп, на пример, ништо не можете да направите.
Не ви побараа сертификат овде?
Не не. Прилепчани сме, овде сме само неколку дена и без проблем пиевме кафе “.
Комисијата за заразни болести во текот на неделата ќе ја разгледува можноста за воведување дополнителни рестриктивни мерки. Министерот за здравство минатата недела објави дека земјава е влезена во петтиот бран на вирусот. Динамиката на вакцинацијата продолжува со исто темпо. 38% од населението се вакцинирано со двете дози. За да се постигне колективен имунитет, потребно е 80-90% од населението да се вакцинира.
Вјолца Алити
