Заев оптимист: Ако влеземе во втор круг верувам во победа во Скопје и во други општини

Премиерот Зоран Заев е оптимист дека во случај нивниот кандидат за градоначалник да се избори за влез во вториот круг, тие имаат големи шанси да бидат победници како во градот Скопје така и во други општини во нашата држава.

„Ако ја имаме таа чест и заслуга граѓаните да ни дадат дозвола на нас, да одиме во вториот круг, верувам дека ќе победиме. Јас верувам заради тоа што сум упатен политичар, ги знам истражувањата, но ги знам резултатите коишто се секако доволна причина во ваква конкуренција да добиеме шанса и за градот Скопје и за во огромно мнозинство во општините ширум државата“, рече Заев.