Заев: Прагот за независните ќе биде намален или укинат

Изборниот законик ќе го рефлектира мислењето на експертите и на независните кандидати – вели претседателот на СДСМ Зоран Заев, по реакциите во јавноста дека предизборно се зголемува бројот на потписи кои треба да ги соберат независните кандидати за да  можат да учествуваат на локалните избори. Заев вели дека ќе поддржи се што ќе одлучат пратениците. Претседателот  Стево Пендаровски вчера изјави  дека нема да го потпише указот на Изборниот законик, ако се изгласа во форма во која е поднесен.

„Тие оценија дека не е коректно поголемите партии да определуваат процент или прагот на неопходен број на собрани потписи за поднесување на независните листи, и видов дека има амбиент. И ќе биде намален од два отсто на еден или можеби и укинат“, изјави Зоран Заев, Премиер.