Законите за кои е исцрпена расправата во Собранието ќе се гласаат во еден одреден ден?

Проблемите со кворумот со Собранието полека  воспоставуваат нова пракса. По исцрпување на расправата за законите, ќе се одреди посебен ден за гласање на сите закони за кои е завршена расправата. Мнозинство од 61 пратеник е потребно при гласање на дневниот ред и при гласање на законите.

За опозицијата, ова е обид на власта да го избегне проблемот со мнозинството. Сепак, тие не се противат на утврдување на одреден датум за гласање.

„Ова гласање ќе продолжи за уште 90 дена до моментот кога премиерот повторно си поигрува со демократските вредности и ќе ги собере сите пратеници и ќе ги гласа сите закони одеднаш. Тие имаат сериозен проблем со кворумот. Начинот како ќе обезбедат кворум е нивна работа, но тоа е сериозен проблем и работите ќе излезат на виделина во иднина“, вели Скендер Реџепи, Алијанса за Албанците и Алтернатива.

Вчера Собранието расправаше за неколку точки од дневниот ред на седница која е започната одамна. Сепак, за сите закони за кои е исцрпена расправата ќе бидат ставени на гласање на 9 март.