Ndërpritet energjia elektrike në disa rajone të Ukrainës, pas sulmeve ruse

Disa rajone rreth Ukrainës kanë mbetur pa energji elektrike pas sulmeve të sotme me raketa.

Rajonet e Lviv, Poltava, Sumy dhe Ternopil kanë mbetur pa energji elektrike dhe furnizimi është ndërprerë pjesërisht në zona të tjera, sipas shërbimit të emergjencës shtetërore të Ukrainës, shkruan BBC, përcjell Gazeta Online Reporteri.net.

Energjia në qytetin e Sumy-t është rikthyer dhe shumica e infrastrukturës së dëmtuar do të riparohet deri në fund të ditës, thotë kryeministri i Ukrainës.

Më herët, nënkryetari i bashkisë së Lviv, Andriy Moskalenko, i tha BBC-së se gjeneratorët me naftë po përdoren për të siguruar ujë për ndërtesat në qytet, por aktualisht nuk ka ujë të nxehtë.

Tramvajet nuk funksionojnë dhe shumica e semaforëve në qytet nuk funksionojnë. Probleme ka edhe me rrjetin e telefonisë celulare.

Autoritetet ukrainase po u kërkojnë njerëzve në të gjithë vendin që të reduktojnë konsumin e energjisë elektrike midis orës 17:00 dhe 22:00 me kohën lokale për të ndihmuar në menaxhimin e reduktimit të energjisë.