Në vendkalimin kufitar “Mexhitlia”, gjatë një kontrolli të kryer nga doganierët është parandaluar tentim për kontrabandim të 45 çantave për femra, katër valixhe dhe një çantë shpine, njofton Drejtoria Doganore e RMV-së.
Malli i padeklaruar është zbuluar gjatë kontrollit të një automjeti të pasagjerëve i cili ishte paraqitur për hyrje në vend.
“Për shkak të dyshimit në deklaratën e drejtuesit të mjetit, është kryer kontroll fizik i mjetit, gjatë të cilit në automjet në hapësirën ndërmjet ulëseve dhe në bagazh janë gjetur 45 çanta femrash të padeklaruara, katër valixhe dhe një çantë shpine”, njoftojnë nga Drejtoria Doganore.
Produktet e padeklaruara, janë konfiskuar ndërsa ndaj personit është iniciuar procedura përkatëse.
