Nedanoska: Shoqata e Bankave do t’i përshtatet situatës me pandeminë në vend

Shoqata e Bankave të Maqedonisë do t’i përshtatet çdo situate që do të vijë nga përkeqësimi i mundshëm i situatës me koronavirusin në vend, tha në paraqitjen e sotme në emisionin Magazine Ekonomike në Alsat, Nina Nedanoska, përfaqësuese e Shoqatës së Bankave të Maqedonisë.

E pyetur nëse në rrethana të caktuara shlyerja e kredisë mund të shtyhet sërish, Nedanoska tha:

“Në bashkëpunim me Bankën Qendrore, ajo duhet të marrë vendime të caktuara nga ana e saj, të cilat do të përcillen në bashkëpunim si me Qeverinë ashtu edhe me Bankën Kombëtare. “Ne jemi të gatshëm të shqyrtojmë gjithçka që është e nevojshme për të ndihmuar qytetarët e vendit tonë”.