Nikollovska: Ka gjyqtarë të ndershëm dhe profesionistë, por edhe të tillë që rrënojnë besueshmërinë e gjyqësorit

Përfaqësuesja e VMRO-DPMNE-së opozitare, Ruzhica Nikollovska në emisionin e djeshëm “Rruga drejt” në Alsat, tha se në sistemin gjyqësor ka gjyqtarë dhe prokurorë që janë të ndershëm dhe profesionistë, por që ka edhe të tillë që rrënojnë besueshmërinë e kësaj pjese të sistemit.

“Ne kemi qenë dëshmitarë në të kaluarën sa situata ka pasur … informacione në opinion për dyshime të mundshme për ndonjë lloj krimi dhe për gjitha ato janë mbajtur konferenca për shtyp …, por askund për ato situata dhe raste nuk kam parë ose dëgjuar që të  hapen raste, se është iniciuar ndonjë procedurë, madje ndonjë procedurë hetimi, pavarësisht se si do të përfundojë …”, tha Nikollovska.