Osmani: Dialogu me Serbinë, pas krijimit të institucioneve të reja

A12.01.2021

368 2 minutes read

Ushtruesja e detyrës së presidentit të Kosovës, Vjosa Osmani, ka thënë se dialogu me Serbinë nuk mund të vazhdojë derisa vazhdojë derisa të përmbyllet procesi zgjedhor në Kosovë dhe të krijohen institucionet e reja. Ajo ka thënë se pas vendimit të Gjykatës Kushtetuese, Qeveria në detyrë e Kosovës nuk ka legjitimitet për të negociuar në emër të Kosovës.

“Legjitimitet të tillë nuk mund të ketë as ndonjë i deleguar nga një qeveri e tillë”, ka thënë Osmani. Ajo këto komente i bëri në Bruksel, ku të martën ka zhvilluar takime me presidentin e Parlamentit Evropian, David Sasolli, dhe me Komisionarin për Fqinjësi dhe Zgjerim të BE-së, Oliver Verhelyi.

Poashtu, ajo ka biseduar edhe me grupin “Miqtë e Kosovës” të formuar nga disa ligjvënës të Parlamentit Evropian.

Osmani ka thënë se askush në Kosovë nuk është kundër dialogut, por Kosova duhet të ketë “një qëndrim unik, i cili duhet të jetë në përputhje me interesat e Kosovës, duke respektuar edhe kufijtë e saj”.

Sipas Osmanit, një legjitimitet i plotë për dialog nga ana e Kosovës është i domosdoshëm edhe për zbatimin e suksesshëm të marrëveshjeve të cilat do të arriheshin në dialogun e Brukselit.

Në këto takime të Osmanit temat kryesore të bisedimeve ishin zhvillimet në Kosovë në prag të zgjedhjeve, përballja me pandeminë dhe dialogu me Serbinë.

Osmani ka thënë pas takimeve se ua ka rikujtuar zyrtarëve të BE-së edhe pritjet e qytetarëve të Kosovës që Bashkimi Evropian poashtu të përmbush premtimet ndaj tyre për liberalizim vizash.

“Institucionet e Republikës së Kosovës, bashkë me ato të BE-së, duhet të punojnë më shumë që sa më shpejt që është e mundur t’ia ofrojnë perspektivën evropiane popullit të Kosovës, i cili vazhdon të jetë populli më pro-evropian në kontinent, por i izoluar shkaku i mos liberalizimit të vizave. Kosova i ka plotësuar kriteret, ndaj BE-ja duhet ta mbajë premtimin ndaj Kosovës duke i liberalizuar vizat”, është shprehur Osmani.

Ushtruesja e detyrës së presidentit të Kosovës ka falënderuar Parlamentin Evropian në angazhimet për të ndihmuar Kosovën si dhe për kërkesat e Parlamentit që 5 shtetet e BE-së, të cilat nuk e kanë njohur Kosovën, ta bëjnë një gjë të tillë.

Osmani ka thënë se në rajon duhet të ketë drejtësi si kusht për një paqe dhe stabilitet afatgjatë dhe perspektivë të integrimeve Evropiane.

Ushtruesja e detyrës së presidentit, Vjosa Osmani, më 6 janar shpërndau kuvendin dhe shpalli zgjedhjet e reja, pasi Gjykata Kushtetuese e Kosovës publikoi aktgjykimin e plotë lidhur me zgjedhjen e Qeverisë së Kosovës të udhëhequr nga Avdullah Hoti./REL

A12.01.2021

368 2 minutes read

Erdogan i quan ngjarjet në SHBA "turp për demokracinë"

Fajon: BE nuk mund ta tradhtojë përsëri Maqedoninë e Veriut

LEXO EDHE:

PE miraton planin 6 miliardë euro për Ballkanin Perëndimor

Kosovë/ Dënohen me 62 vjet burgim shtatë të akuzuarit për dhunimin e 11-vjeçares

Daçiq: Votimi për Srebrenicën në OKB do të na tregojë kush janë partnerët tanë e kush nuk do të jenë

Referendumi në veri të Kosovës/ Shpallen rezultatet zyrtare: 18 serbë votuan pro shkarkimit të kryetarëve