Paga mesatare u rrit me 700 denarë, çmimet e produkteve akoma më shumë  

Paga mesatare po rritet, por po ashtu rriten edhe çmimet e produkteve bazë. Qytetarët thonë se është e vështirë të kalosh një muaj me pagat dhe pensionet që i marrin. Edhe pse, statistikisht në vend, paga mesatare nga viti i kaluar deri më tani është rritur për 700 denarë, kjo nuk vërehet në të ardhurat e shumicës së qytetarëve.

Unë kam pagë, është e vështirë edhe me pagë 25 mijë denarë nuk mjafton. Ka të dhëna, fatura, nuk mund të dilet fare. Kriza është e madhe, pandemia ka përkeqësuar situatën …”

Pesëmbëdhjetë ditë më parë, shembull vaji ishte 62 denarë, tani është 80 denarë. Unë nuk kam shkuar në pushime për njëzet vjet. Unë kam një pagë, dhe një fëmijë në studime”.

Nuk del nga i pari në të parin. Kemi dy pensione, nuk mjaftojnë, gjithçka shtrenjtohet, ndërsa pensionet stagnojnë, ekonomia jonë është katastrofë. Çfarë është ajo rritje? Rritje është dy-tre mijë denarë … Do të jetë vështirë ”.

Nuk mundet dikush të marrë shtatë mijë, dikush 30 mijë, nuk është e drejtë, njerëzit nuk paguajnë energji elektrike, ujë, kredi, është një situatë e vështirë, të rinjtë nuk kanë punë, ata jetojnë nga pensionet, ku na çon kjo – askund “.

Sipas përllogaritjeve të sindikatave, një familjeje me katër anëtarë i duhen të paktën 33 mijë denarë, për të përmbushur detyrimet bazë në muaj.

Sipas rritjes ligjore të marsit, paga minimale tani është 15,400 denarë, dhe ajo mesatarja 28,200. Por, ajo u rrit kryesisht për shkak të humbjeve të vendeve të punës vitin e kaluar, dhe rritjes së të ardhurave në shëndetësi dhe IT industrinë.

Andrea Cobanova