Panele diellore në ballkon – një mundësi për t’i kthyer apartamentet në mini-centrale

Megjithëse ekspertët pajtohen që modulet diellore të ballkonit mund të mbulojnë vetëm një pjesë të vogël të nevojave për energji elektrike, ato ende kanë disa avantazhe të rëndësishme .

Instalimi i sistemeve të vogla diellore në ballkone është kthyer në një hit të vërtetë në Gjermani në një kohë të shkurtër. Sipas të dhënave të Agjencisë Federale të Rrjetit atje, numri i termocentraleve diellore të ballkoneve është dyfishuar që nga fillimi i vitit, dhe sipas parashikimeve të caktuara, deri në vitin 2030 në Gjermani mund të instalohen 12 milionë minicentrale të tilla, që do të kishte në çdo apartament të katërt.

Si funksionojnë termocentralet diellore në ballkone?

Rritja e çmimeve të energjisë e ka bërë instalimin e paneleve diellore në ballkone një alternativë gjithnjë e më popullore për shumë në Gjermani. Ato mund të blihen në grupe të gatshme në mënyrë që të mos kërkojnë shumë ekspertizë për instalimin dhe vënien në punë.

Ato zakonisht përbëhen nga një ose dy module diellore, një inverter dhe lidhje me rrjetin e shtëpisë. Modulet diellore gjenerojnë rrymë direkte, të cilën inverteri e shndërron në rrymë alternative, e cila nga ana tjetër futet direkt në rrjetin e shtëpisë. Pajisjet shtëpiake më pas mund të punojnë me energjinë elektrike të prodhuar.

Sasia e energjisë elektrike të prodhuar varet nga forca e diellit në një zonë të caktuar dhe nga orientimi i paneleve diellore. Në Afrikë, Lindjen e Mesme, Australi, pjesë të Kinës, Amerikës Latine dhe Shteteve të Bashkuara, një modul diellor 400 vat mund të prodhojë deri në 800 kWh energji elektrike në vit.

Në Gjermani dhe vende të tjera të Evropës Qendrore sasia e energjisë elektrike e prodhuar është afërsisht gjysma e saj. Është optimale që moduli të jetë i drejtuar nga jugu dhe në një kënd të caktuar, në mënyrë që rrezet e diellit të bien në një kënd mbi panelet diellore.

Nëse nuk është e mundur të vendosni modulin në një kënd të caktuar, sasia e rrymës së prodhuar do të jetë më e vogël. Nëse moduli 400 W vendoset në një kënd, në një mur ose gardh ballkoni në anën jugore, ai do të prodhojë rreth 260 kWh në vit në Gjermani. Nëse moduli është i kthyer nga lindja ose perëndimi, ai mund të prodhojë rreth 190 kWh në vit.

A mund të plotësojë nevojat e familjes?

Siç dihet, në vendet e zhvilluara konsumi i energjisë elektrike është i lartë. Një familje me 4 anëtarë në Gjermani konsumon rreth 4000 kWh në vit dhe një familje me dy anëtarë 1500 kWh. Një modul diellor 400 W i synuar mirë mund të gjenerojë rreth 320 W në vjeshtë dhe pranverë, nëse është pak me re, gjysma e kësaj, dhe nëse është shumë me re, vetëm rreth 50 W. Në vjeshtë dhe gjatë dimrit, nëse është e kthjellët, një modul i tillë mund të gjenerojë rreth 160 W, dhe nëse është shumë me re, vetëm rreth 20 W. Kjo do të thotë se moduli i ballkonit mund të mbulojë vetëm një pjesë të vogël të nevojave të familjeve gjermane.

Sa kushtojne?

Një instalim i vogël diellor në ballkon me një deri në tre module në Gjermani kushton nga 400 deri në 1200 euro. Nëse çmimi i energjisë elektrike është ndërmjet 30 dhe 50 cent për kWh, kostot e blerjes amortizohen në gjashtë deri në nëntë vjet, kanë llogaritur ekspertët nga Gjermania. Më pas, energjia elektrike e prodhuar nga instalimi, sipas llogaritjes së tyre, do të ishte falas edhe për të paktën dhjetë vjet të tjera, pasi modulet diellore zakonisht zgjasin rreth 25 vjet, dhe pajisja për shndërrimin e rrymës direkte në rrymë alternative rreth 15 vjet.