Papa Françesku: Dua të shkoj në Kiev, por pres momentin e duhur

Papa Françesku është duke e planifikuar një udhëtim në Ukrainë, teksa vendi prej muajsh nën pushtimin rus.

“Do të doja të shkoja në Ukrainë, por duhet të pres momentin e duhur”. Kështu tha Ati i Shenjtë kur iu përgjigj një fëmije refugjat ukrainas, i cili e pyeti gjatë një takimi në oborrin e San Damasos se kur do të shkonte në Kiev.

Papa theksoi se për momentin situata nuk është e sigurt. Javën e ardhshme, njoftoi ai, do të takohet me përfaqësues të qeverisë ukrainase dhe do të bisedojë edhe për një udhëtim të mundshëm.