Polenta me salcë kërpudhash – një sugjerim i mrekullueshëm për drekë

Polenta është një pjatë tradicionale italiane që mund ta servirni për mëngjes, drekë dhe darkë. E gjitha varet nga ushqimet që shtoni. Nëse dëshironi të bëni një drekë të lehtë dhe të shijshme, atëherë ju sugjerojmë të provoni recetën e polentës në salcë kërpudhash nga shefi i famshëm italian Gennaro Contaldo.

• 1 l ujë
• 250 g polentë
• copë gjalpë
• parmixhano

Për salcën:

• pak vaj ulliri
• 2 feta të trasha proshutë
• 1 karotë
• ½ qepë
• 1 shkop selino
• 300-400 g kërpudha
• 200 ml salcë domate
• 200 ml lëng mishi
• 1 spec djegës
• bishtat e majdanozit
• kripë

Skuqini proshutën e grirë dhe karrotën në vaj pak të nxehur. Shtoni qepën e grirë hollë dhe selinon. Kur perimet të jenë zbutur, shtoni kërpudhat që i keni prerë në katërsh. Pas dy minutash, hidhni salcën e domates dhe kripën. Përziejini dhe derdhni lëngun e mishit dhe shtoni spec djegës të plotë. Më pas shtoni kërcellin e majdanozit të grirë. Gatuani edhe 30-35 minuta të tjera. Në një tenxhere vendosim ujin të vlojë dhe më pas shkrijmë gjalpin. Shtoni gradualisht polentën dhe gatuajeni derisa të trashet, duke e përzier vazhdimisht. Hedhim polentën në një pjatë, e spërkasim me parmixhan të grirë dhe sipër e hedhim salcën e kërpudhave dhe e spërkasim sërish me parmixhan.