Presidenti sirian në Aleppo, vizita e parë në zonën e prekur nga tërmeti

Presidenti sirian, Bashar al-Assad, ndodhet në Aleppo, në vizitën e tij të parë në një zonë të prekur nga tërmeti.

Në fillim të kësaj jave, regjimi i tij u akuzua se po luante politikë me ndihmat pasi ambasadori sirian në OKB, Bassam Sabbagh, tha se vendi i tij duhet të jetë përgjegjës për dërgimin e të gjithë ndihmave në Siri, duke përfshirë ato zona që nuk janë nën kontrollin e qeverisë siriane.