Procesi “Zhan Mone” do të vazhdojë pa ndërmjetësimin ndërkombëtar

Partitë propozuan nga tre anëtarë në grupin e punës te Kryetari i Kuvendit, Talat Xhaferi, që duhet të vazhdojë procesin e Zhan Mone-së, për ndryshime ose miratim të mundshëm të një Rregulloreje të re të Kuvendit. Siç tha Xhaferi në një intervistë për MIA-n, ideja është që partitë vetë ta fillojnë procedurën, pa ndërmjetësim dhe mbikëqyrje nga eurodeputetët, proces që u ndërpre për shkak të pandemisë. Ata tani do të marrin njoftime periodike për progresin e bërë.

Ne tashmë kemi harmonizuar disa dispozitat nga mandati i mëparshëm. Tani për ato të rejat. Për shembull, një seancë konstituive të ketë një rrjedhë, fillim dhe mbarim. Të mos hapet mundësia që seanca konstituive të zgjasë me ditë. Të përcaktohet, për shembull, saktësisht kur do të konsiderohet se Kuvendi është konstituuar, në mënyrë që të fillojnë të rrjedhin afatet konkretisht pas asaj që del për institucionet tjera, zbatimi i afateve dhe rrjedha e punës pas atyre afateve. Ka një sërë çështjesh- deklaroi Talat Xhaferi, Kryetar i Kuvendit

Procesi gjithëpërfshirës përfshin të gjitha partitë politike, por edhe deputetë që nuk janë në grupet parlamentare. Koordinatori i grupit parlamentar të LSDM-së, Jovan Mitreski, na tha se përveç tij, propozim i partisë në pushtet janë edhe Dime Velkoski dhe Snezhana Kalevska – Vançeva.

Lidhur me ndryshimet në Rregulloren, do ta bëjmë këtë kur të fillojë procesi. Herën e kaluar, në përbërjen e mëparshme të Parlamentit, kemi bërë përparim serioz, por me zhvillimet në këtë përbërje, lindin çështje të tjera për të cilat duhet të diskutojmë- pohoi Jovan Mitreski – koordinator i grupit parlamentar të LSDM-së.

VMRO-DPMNE e nominoi Nikolla Micevskin, Aleksandar Nikollovskin dhe Gordana Siljanovska-Davkovën. Sipas Micevskit, ka çështje të hapura që duhet të diskutohen, por ai shpreson për miratimin e suksesshëm të Rregullores.

Ne ishim afër miratimit të Rregullores herën e kaluar, por mbetën disa çështje kontestuese, megjithëse ka një numër çështjesh të harmonizuara, që nuk do të kenë vlerë në takimin e ri, sepse do të fillohet nga fillimi. Dëshira jonë është ta hartojmë Rregulloren vetë, dhe Eurodeputetët që vinin në takime t’i ftojmë në miratimin përfundimtar të tij- tha Nikolla Micevski – koordinator i grupit parlamentar të VMRO-DPMNE-së.

Lidhur me partitë nga blloku politik shqiptar, tre deputetët e BDI-së që janë kandidatë për të hyrë në grupin e punës janë Arbër Ademi, Arben Ziberi dhe Arta Bilali-Zendeli. Nga ana tjetër, koalicioni Aleanca-Alternativa nuk njoftuan se cilët deputetë i kanë zgjedhur.

Kovid-19 shtyu “Zhan Mone-në”. Në takimin e fundit tet-a-tet në shkurt të vitit të kaluar, ndryshimet që mbetën të pazgjidhura, përveç kohëzgjatjes së seancës konstituive, ishin miratimi i Rregullores së punës, me emrin e ri kushtetues të vendit, si dhe kriteret për zgjedhjen e Sekretarit të Përgjithshëm të ardhshëm të Kuvendit dhe ndihmësit e tij.

Alsat

 

LEXO EDHE:

Back to top button